Сырскі: Страты расейцаў у 7-8 разоў вышэйшыя за ўкраінскія

Расейцы не шануюць сваіх салдатаў.

Расея не шануе жыцці сваіх салдатаў, паводле апошніх звестак, страты акупантаў у 7-8 разоў перавышаюць украінскія.

Пра гэта заявіў галоўны камандзір Узброеных сілаў Украіны Аляксандр Сырскі паведамляе ZDF.

«Мы не можам дазволіць сабе такога стаўлення як у расейскіх военачальнікаў, калі яны праводзяць тактыку мясных штурмаў», – сказаў галаўкам.

Паводле ягоных словаў, ён лепш пакіне нейкую пазіцыю, але не дапусціць гібелі асабовага складу.

«А для іх жыццё салдата каштоўнасці не мае. І мы гэта бачым, іхнія страты ў 7-8 разоў перавышаюць нашыя страты паводле апошніх звестак», – дадаў Сырскі.