Паніна, які атрымаў грамадзянства ЗША, завочна арыштавалі ў РФ
14- 15.02.2024, 21:02
- 18,668
Ён называў Расею «краінай непалоханых ідыётаў».
Гагарынскі раённы суд Масквы ў краіне-агрэсарцы РФ пастанавіў завочна арыштаваць расейскага актора Аляксея Паніна, які мае амерыканскае грамадзянства і жыве за мяжой. Пра гэта 15 лютага паведамляецца на сайце ««Медузы» са спасылкай на заяву прэс-службы маскоўскіх судоў агульнай юрысдыкцыі.
Паніна, які асудзіў поўнамаштабнае ўварванне РФ ва Украіну, абвінавачваюць у публічных закліках да тэрарызму.
Панін адрэагаваў на пастанову расейскага суда.
«Сплю, нікога не чапаю, а высвятляецца, мяне ўжо пасадзілі. Краіна непалоханых ідыётаў», – напісаў Панін у Instagram, размясціўшы скрыншот навіны, апублікаванай на адным з расейскіх сайтаў.