Пік наступіць вясной: Буданаў раскрыў новыя планы Расеі

Крэмль нацэліўся не толькі на ваенныя аперацыі.

Расея плануе фальшывыя аперацыі супраць украінскіх палітыкаў, якія можна выкарыстоўваць для расколу грамадства шляхам абвінавачання ўлад, заявіў кіраўнік Галоўнай управы выведкі Мінабароны Украіны Кірыл Буданаў у інтэрв'ю The Wall Street Journal.

Са слоў Буданава, нараўне з ваеннымі дзеяннямі Расея імкнецца пасеяць разлад ва ўкраінскім грамадстве і Узброеных сілах. Ён сказаў, што Масква нядаўна актывавала план, які спалучае ў сабе дэзінфармацыю і спробы забойства вядомых украінцаў, каб аслабіць рашучасць салдат. Як дадаў выведчык, пік наступіць вясной і будзе суправаджацца магутнымі ваеннымі атакамі, накіраванымі на тое, каб скарыстацца ўсялякай варожасцю.

Пры гэтым Буданаў не стаў каментаваць канкрэтны выпадак, звязаны з украінскімі палітыкамі, але адным з прыкладаў прывёў нядаўнюю заяву экс-прэзідэнта РФ Дзмітрыя Мядзведзева аб тым, што прэзідэнт Францыі Эмануэль Макрон скасаваў паездку ў Кіеў нібыта з-за замаху, які рыхтуецца. Афіцыйныя асобы Францыі адмаўляюць такую прычыну скасавання візіту, заяўляючы, што Макрон наведае Украіну да сярэдзіны наступнага месяца.

Буданаў заявіў, што інцыдэнт быў часткай расейскай аперацыі: "Гэта ўсе элементы адной і той жа вялікай ідэі".