25 красавiка 2024, Чацвер, 12:17
Падтрымайце
сайт
Сім сім,
Хартыя 97!
Рубрыкі

УСУ разбілі бронетанкавую калону расейцаў пад Вуглядарам

2
УСУ разбілі бронетанкавую калону расейцаў пад Вуглядарам

З'явілася эпічнае відэа.

На Вуглядарскім кірунку фронту каля вёскі Шаўчэнкі ўкраінскія вайскоўцы разбілі наступальную бронегрупу расейскіх сіл.

У 58-й асобнай мотапяхотнай брыгадзе распавялі, што вайскоўцам давялося некалькі дзён адбіваць новы расейскі штурм у Данецкай вобласці.

Расейскае камандаванне адправіла на штурм украінскіх пазіцый марскую пяхоту з танкамі, БМП-3, БМД-4 і бронетранспарцёрамі «МТ-ЛБ».

Украінскім вайскоўцам удалося спыніць і разбіць расейцаў каля вёскі Шаўчэнкі, размешчанай недалёка ад горада Вуглядара.

«Нашы воіны паказалі характар, далі адпор ворагу, годна і сумленна выканалі свой абавязак», - расказалі ў брыгадзе.

Падчас бою ўкраінскія сілы панеслі страты ў байцах, якія адбівалі атаку акупантаў. Украінскія вайскоўцы таксама праводзілі контратакі, падчас якіх страцілі бронемашыну MaxxPro.

«Вечная памяць тым, хто аддаў жыццё ў баі, але не завагаўся і не адступіў. Працягваем абараняць Украіну», - дадалі ў брыгадзе.

Пасля бою ўкраінскія аператары дронаў зафіксавалі знішчаную тэхніку расейскага войска.

На кадрах з беспілотніка відаць, што расейцы страцілі сама меней тры танкі «Т-80БВ», два бронетранспарцёры «МТ-ЛБ» і тры бронемашыны «БМП-3».

Адзін з танкаў «Т-80БВ» меў пуцявы мінны трал «КМТ-6», якім ён павінен быў пракладваць шлях іншай бронетэхніцы праз мінныя палі.

Вайскоўцы расказалі, што ўвогуле ў баі знішчылі 3 танкі, 5 БМП, 5 МТ-ЛБ і роты расейскіх марскіх пяхотнікаў.

Напісаць каментар 2

Таксама сачыце за акаўнтамі Charter97.org у сацыяльных сетках