Пісьменнік Саша Філіпенка расказаў, што данос на яго напісаў ягоны дзед
16- 22.02.2024, 19:11
- 25,896
![Пісьменнік Саша Філіпенка расказаў, што данос на яго напісаў ягоны дзед](https://i.c97.org/p/articles/2016/ai-224746-aux-head-20160928_fillipenko_360.jpg)
У лістападзе 2023 года ў доме бацькоў пісьменніка адбыўся ператрус, яго бацьку затрымалі.
Пісьменнік Саша Філіпенка, у дачыненні да якога сілавікі распачалі крымінальную справу, у інтэрв'ю Deutsche Welle расказаў, што данос на яго напісаў яго дзядуля.
- На мяне данос напісаў мой дзед, які прысеў да тэлевізара і назіраў вельмі доўга за тым, што адбываецца, паверыў прапагандзе, палічыў, што я здраднік, і напісаў адкрыты ліст, у якім прагаварыў усё, чаму яго навучыла прапаганда, - сказаў пісьменнік.
Нагадаем, пісьменнік і журналіст Саша Філіпенка ў 2020 годзе быў вымушаны з'ехаць у Еўропу. Некаторыя яго выданні перакладзеныя на мноства моў і ўваходзілі ў спісы бэстсэлераў. Пісьменнік займаецца прасоўваннем беларускага пытання і не раз выступаў у заходніх медыях.
У лістападзе 2023 года ў доме бацькоў Сашы Філіпенкі прайшоў ператрус, яго бацьку - Аляксандра - затрымалі. Пазней суд Першамайскага раёна Менска арыштаваў яго на 13 дзён. У лютым у інтэрв'ю «Новой газете» пісьменнік распавёў, што на яго распачалі крымінальную справу. Паводле якога артыкула - невядома.