24 красавiка 2024, Серада, 15:14
Падтрымайце
сайт
Сім сім,
Хартыя 97!
Рубрыкі

У Баранавічах двое хлопцаў адарвалі вусы мясцовай славутасці

11
У Баранавічах двое хлопцаў адарвалі вусы мясцовай славутасці

Патлумачылі гэта тым, што "былі ў добрым настроі".

Двое жыхароў Баранавічаў пашкодзілі мясцовую славутасць (ліхтар у выглядзе Ката Бегемота), адарваўшы яму вусы. Пра гэта паведамілі ва УУС Берасцейскага аблвыканкама.

Заяву ў міліцыю на іх напісаў дырэктар мясцовай ЖКГ. Ён расказаў, што ў цэнтры горада невядомыя пашкодзілі каваны ліхтар, сарваўшы металічныя элементы, тым самым яны прычынілі матэрыяльную шкоду жыллёва-камунальнай гаспадарцы на суму блізу 200 рублёў.

Аператыўнікі ўстанавілі асобы падазроных. Імі былі два браты 22 і 25 гадоў. Абодва раней былі судзімыя за крадзеж і хуліганства.

Затрыманыя патлумачылі, што на той момант былі ў добрым настроі і не разумелі, што рабілі.

Па факце пашкоджання ліхтара распачатая крымінальная справа за апаганьванне збудаванняў і псаванне маёмасці.

Напісаць каментар 11

Таксама сачыце за акаўнтамі Charter97.org у сацыяльных сетках