24 красавiка 2024, Серада, 2:07
Падтрымайце
сайт
Сім сім,
Хартыя 97!
Рубрыкі

У Беларусі ўзмацнілі жорсткасць правіл выкарыстання сямейнага капіталу

1
У Беларусі ўзмацнілі жорсткасць правіл выкарыстання сямейнага капіталу

Што зменіцца?

У Беларусі ўводзяць чарговыя змены па датэрміновым выкарыстанні сямейнага капіталу. Да прыкладу, гэтыя грошы дазволяць марнаваць на медпаслугі толькі ў дзяржустановах, а ў прыватных цэнтрах - не. Гэта прадугледжанае ўказам Аляксандра Лукашэнкі, паведамляе прэс-служба дыктатара.

Што мяняюць для медпаслуг

Звяртацца па медпаслугі за кошт сямейнага капіталу можна будзе толькі ў дзяржустановы аховы здароўя, а ў прыватныя медцэнтры — не. Пры гэтым ёсць важная ўмова: 50% кошту медпаслугі будуць пералічваць пры падпісанні дамовы, а астатнюю частку - пасля яе надання.

Змены па нерухомасці

Аляксандр Лукашэнка таксама ўводзіць дадатковую ўмову для датэрміновага выкарыстання сямейнага капіталу на паляпшэнне жыллёвых умоў. Па-першае, у сям'і павінна адсутнічаць ва ўласнасці жыллё агульнай плошчай 15 квадратных метраў і больш на аднаго чалавека, а ў Менску - ад 10 «квадратаў». Па-другое, сям'я павінна быць згодная на зняцце з чаргі на жыллё для тых, хто мае патрэбу, калі атрымае такі капітал на паляпшэнне жыллёвых умоў.

"Указам устаноўленая забарона на адчужэнне набытых з выкарыстаннем сродкаў сямейнага капіталу жылых памяшканняў, права ўласнасці на якія зарэгістраванае да 2022 года, цягам 5 гадоў з даты рэгістрацыі права ўласнасці", — паведамляе прэс-служба Аляксандра Лукашэнкі.

Яшчэ адна навіна

Таксама чыноўнікі маюць намер урэгуляваць пытанне з вяртаннем неабгрунтавана выкарыстанага сямейнага капіталу. Падрабязнасці наконт гэтага пункта не ўдакладняюцца.

Напісаць каментар 1

Таксама сачыце за акаўнтамі Charter97.org у сацыяльных сетках