24 красавiка 2024, Серада, 15:53
Падтрымайце
сайт
Сім сім,
Хартыя 97!
Рубрыкі

Названыя шэсць суперпрадуктаў для моцнага і здаровага сэрца

9
Названыя шэсць суперпрадуктаў для моцнага і здаровага сэрца

Кожны мае сваю перавагу.

Каб прадухіліць хваробы сэрца і іх ускладненні, асаблівую ўвагу неабходна надаваць здароваму харчаванню. Эксперты рэкамендуюць ёсць больш свежай садавіны, гародніны і менш апрацаваных прадуктаў, піша deseret.com.

Суперпрадукты для здароўя сэрца - спіс

Ягады. Згодна з даследаваннямі, ягады багатыя на антыаксідантныя поліфенолы, якія дапамагаюць знізіць рызыку сардэчных захворванняў і палепшыць здароўе сэрцава-судзіннай сістэмы.

Авакада. Паводле тінфаормацыі Heart Foundation, здаровыя тлушчы, падобныя тым, якія змяшчаюцца ў авакада, неабходныя для здароўя сэрца. Як адзначыла дыпламаваны дыетолаг Крысцін Розенблюм, авакада таксама багатыя на абалоніну, калій і магній, неабходныя для здароўя сэрца.

Цёмны шакалад. Паводле звестак Кліўлендскай клінікі, цёмны шакалад багаты на флаванолы, на тып флаваноідаў, якія карысныя для сэрца, дапамагаюць у аднаўленні клетак і могуць дапамагчы знізіць крывяны ціск.

Грэцкія арэхі. Даследаванне, праведзенае ў 2019 годзе, паказала, што рэгулярнае ўжыванне арэхаў, асабліва грэцкіх, звязанае з больш нізкай рызыкай сэрцава-судзінных захворванняў і смяротнасці ад іх.

Памідоры. Агляд 25 даследаванняў паказвае, што дыета з памідорамі можа зменшыць рызыку сэрцавых захворванняў. Частае ўжыванне памідораў таксама карыснае для ўзроўню халестэрыну.

Тлустая рыба. Паводле звестак клінікі Маё, тлустая рыба (ласось, скумбрыя, сардзіны і азёрная фарэль) багатая на тлустыя кіслоты амега-3, якія дапамагаюць знізіць крывяны ціск і паменшыць колькасць тлушчаў у крывацёку.

Напісаць каментар 9

Таксама сачыце за акаўнтамі Charter97.org у сацыяльных сетках