27 траўня 2024, панядзелак, 19:13
Падтрымайце
сайт
Сім сім,
Хартыя 97!
Рубрыкі

СМІ: На поўдні Украіны загадкава паміраюць арганізатары «выбараў» Пуціна

6
СМІ: На поўдні Украіны загадкава паміраюць арганізатары «выбараў» Пуціна

Пры дзіўных абставінах.

У акупаванай частцы Запарожскай вобласці Украіны загінулі два расейскія калабаранты, якія займаліся арганізацыяй «выбараў» расейскага прэзідэнта Уладзіміра Пуціна.

Мясцовыя здраднікі напалоханыя. Аб здарэннях распавёў расейскі тэлеграм-канал «Кремлёвская табакерка», паведамляе Дыялог.UA.

Паводле звестак рэсурсу, у акупаваных Мелітопалі і Такмаку амаль адначасова памерлі два калабаранты, якія актыўна займаліся «выбарамі».

«Памёр мужчына 42 гадоў, сябра адной з участковых «выбарчых камісій». Прычына смерці - раптоўны сардэчны прыступ.

56-гадовую жанчыну забілі каля яе дома - разбілі галаву. Ходзяць чуткі, што яе забілі дыверсанты: яна вельмі дапамагала з арганізацыяй «выбараў», - паведаміў канал.

Абедзве смерці, як сцвярджаецца, «дзіўныя». Так, памерлы здраднік не меў ніякіх праблем з сэрцам і быў у добрай фізічнай форме. З забойствам жанчыны яшчэ цікавейшая сітуацыя, бо з ёй нібыта расправіліся рабаўнікі, якія не ўзялі ні яе тэлефон, ні грошы з партманэта.

Расейскі канал адзначыў, што нядаўна ў акупаваным Марыупалі была ліквідаваная цэлая група расейцаў, якія прыехалі ў горад займацца «выбарамі».

Яны былі атручаныя. Расейцы і мясцовыя калабаранты мяркуюць, што ўсе тры выпадкі - аперацыя Украіны па зрыве «выбараў», таму яны ў моцнай трывозе.

«З'явіліся чуткі пра «блукаючых дыверсантаў», якія ездзяць па розных рэгіёнах Расеі і хочуць сарваць «выбары». Правяраем такую версію, чуткі, вядома, непрыемныя», - піша расейскі канал.

Усім, хто задзейнічаны ў пераабранні дыктатара на акупаваных тэрыторыях, рэкамендуюць праявіць асаблівую асцярожнасць.

Напісаць каментар 6

Таксама сачыце за акаўнтамі Charter97.org у сацыяльных сетках