У Варшаве нечакана памёр галоўны рэдактар газеты «Белорусы и рынок» Андрэй Александровіч

Названы магчымы чыннік.

Вядомы беларускі журналіст, галоўны рэдактар газеты «Белорусы и рынок» Андрэй Александровіч раптоўна памёр у Варшаве, паведаміў ягоны сябар Севярын Квяткоўскі.

«На гэты момант вядома, што было вострае запаленне падстраўнікавай залозы», – напісаў Севярын Квяткоўскі.

Журналісту было 49 год.

Інфармацыю пацвердзіла Беларуская асацыяцыя журналістаў.

Андрэй выехаў з Беларусі ў другой палове 2023 г. і знаходзіўся ў Варшаве. Ён займаўся развіццём выдання «Белорусы и рынок» і быў яго галоўным рэдактарам.