У Лідзе з назіральнай ямы падпаленага гаража выратавалі мужчыну

Працэс паказалі на відэа.

У Лідзе з назіральнай ямы падпаленага гаража выратавалі 42-гадовага мужчыну. Аб гэтым паведаміла прэс-служба МНС.

Паведамленне ратавальнікам аб палаючым гаражы на вуліцы 1-ай Хасанаўскай паступіла сёння а 05:48.

На месца адправіліся 4 пажарныя разлікі. У гаражным кааператыве гарэў адзін з боксаў, вонкі выбіваўся шчыльны дым. Дзверы былі зачыненыя.

Работнікі МНС выбілі іх, усярэдзіне гарэў легкавы Renault, у гаражы было шчыльнае задымленне. У назіральнай яме ратавальнікі знайшлі мужчыну, вынеслі яго на вуліцу і перадалі медыкам. У цяжкім стане яго шпіталізавалі ў рэанімацыйнае аддзяленне раённай лякарні.

Пажар ліквідавалі. Агнём пашкоджанае аўто. Прычына і абставіны здарэння высвятляюцца, паведамляе прэс-служба МНС.