25 красавiка 2024, Чацвер, 8:39
Падтрымайце
сайт
Сім сім,
Хартыя 97!
Рубрыкі

Зяленскі ўпершыню агучыў страты Украіны на вайне

10
Зяленскі ўпершыню агучыў страты Украіны на вайне

Страты УСУ значна меншыя за страты РФ.

На вайне Украіны супраць Расеі загінулі 31 тысяч украінскіх вайскоўцаў.

Аб гэтым заявіў прэзідэнт Украіны Уладзімір Зяленскі на яго прэс-канферэнцыі.

“Я не ведаю, ці маю права пра гэта казаць. Гэта вельмі сур'ёзны момант”, - заявіў Зяленскі, адказваючы на пытанне аб колькасці страт украінскага войска за час поўнамаштабнай вайны з Расеяй на прэс-канферэнцыі 25 лютага.

Ён нагадаў, што прарасейскія сілы казалі пра гібель 300 тысяч украінскіх вайскоўцаў, у Расеі заяўлялі пра 100 тысяч, але “ўсё гэта хлусня, усё няпраўда”.

“31 тысяча ўкраінскіх вайскоўцаў загінула ў гэтай вайне. Не 300 тысяч, не 150, але, тым не менш, кожная страта для нас цяжкая”, - сказаў Зяленскі.

Ён дадаў, што страты войска РФ забітымі складаюць 180 тысяч чалавек, а таксама да 450 тысяч параненымі.

“Вядома, у нас ёсць параненыя. Ёсць зніклыя без вестак, але колькі не буду казаць, таму што ёсць недакладнасці. І дзясяткі тысяч загінулых цывільных асоб на акупаваных тэрыторыях”, - адзначыў прэзідэнт Украіны.

Расейскае кіраўніцтва хавае страты сваіх войскаў у захопніцкай вайне супраць Украіны. Са звестак Генштаба УСУ, з пачатку поўнамаштабнага ўварвання было ліквідавана ўжо больш за 400 тысяч акупантаў.

Пры гэтым брытанская выведка адзначае, што ў 2023 годзе страты расейцаў выраслі. Магчыма, Маскве спатрэбіцца да 10 гадоў, каб аднавіць прафесійнае войска.

Напісаць каментар 10

Таксама сачыце за акаўнтамі Charter97.org у сацыяльных сетках