23 траўня 2024, Чацвер, 22:50
Падтрымайце
сайт
Сім сім,
Хартыя 97!
Рубрыкі

«Міністэрства аховы здароўя «ДНР» падставіла расейскіх вайскоўцаў

«Міністэрства аховы здароўя «ДНР» падставіла расейскіх вайскоўцаў
ІЛЮСТРАЦЫЙНАЕ ФОТА

Расейскія прапагандысты хацелі спісаць удар па шпіталі ў Данецку на УСУ, але нешта пайшло не так.

У акупаваным Данецку расейскі беспілотнік Supercam рэзнуўся ў будынак лякарні. Адпаведныя фота з'явіліся ў сацсетках. Увечары 25 лютага ў «Тэлеграм» так званага «мін.аховы здароўя «ДНР» апублікавалі два фота, піша dialog.ua.

Акупанты ў паведамленні напісалі: «Па лякарні Данецка ўдарыў беспілотнік. У выніку трапляння БПЛА ў адну з устаноў аховы здароўя пашкоджанае шкленне».

Па ідэі, захопнікі падумалі, што гэта быў украінскі ўдарны дрон і з прапагандысцкай мэтай надумалі апублікаваць фота разбітага акна і абломкаў беспілотніка.

Аднак, мяркуючы па выяве, беспілотнік расейскі - акупанты трапілі ўласным БПЛА па памяшканні лякарні.

Параўнанне абломка з Данецка і збітым украінскімі вайскоўцамі БПЛА Supercam S350

Вялікі абломак беспілотніка, які разбіў акно ў будынку акупаванага Данецка, сведчыць аб тым, што гэта быў Supercam S350 расейскай вытворчасці.

Раеійскія акупанты ўжываюць беспілотнік Supercam S350 для аэрафотаздымкі з мэтай стварэння высокадэтальных лічбавых карт, а таксама правядзення дыстанцыйнага паветранага маніторынгу мясцовасці і аб'ектаў.

Першапачаткова ў Расею гэтыя беспілотнікі пастаўляліся выратавальным службам. Але пасля ўварвання ва Украіну яны пачалі паступаць на патрэбы ўзброеных сіл краіны-агрэсаркі для выведкі.

Расейскі беспілотнік Supercam S350

Беспілотнік мае працягласць палёту 4,5 гадзіны з перадачай інфармацыі на адлегласць да 70-100 км. Гэта забяспечвае неабходны запас магчымасцей выкарыстання БПЛА ў назіранні і выведцы.

Напісаць каментар

Таксама сачыце за акаўнтамі Charter97.org у сацыяльных сетках