22 красавiка 2024, панядзелак, 16:21
Падтрымайце
сайт
Сім сім,
Хартыя 97!
Рубрыкі

Літва будзе правяраць збожжа з РФ і Беларусі

8
Літва будзе правяраць збожжа з РФ і Беларусі

Захады будуць датычыцца як тавараў, што імпартуюцца ў Літву, так і тых, што ідуць транзітам праз Клайпедскі порт.

Міністэрства сельскай гаспадаркі Літвы ўзмацняе кантроль за імпартам збожжа з Расеі, Беларусі і акупаваных РФ тэрыторый Украіны, Малдовы і Грузіі.

Пра гэта паведамляе LRT.

Пасля пачатку дзеяння загада міністра ўсе пастаўкі збожжа і збожжавых прадуктаў з гэтых краінаў і тэрыторый будуць спыненыя і правераныя, гаворыцца ў прэс-рэлізе міністэрства.

Кожны вагон цягніка або транспартны сродак, які перавозіць збожжа і збожжавыя прадукты з гэтых краінаў і тэрыторый, будуць аглядаць.

Прадукцыю будуць правяраць на ўтрыманне рэшткаў пестыцыдаў, мікатаксінаў і металаў (свінцу і кадмію), а таксама правяраць паходжанне прадукцыі.

Узмоцненыя захады будуць датычыцца як тавараў, што імпартуюцца ў Літву, так і тых, што ідуць транзітам праз Клайпедскі порт.

Напісаць каментар 8

Таксама сачыце за акаўнтамі Charter97.org у сацыяльных сетках