18 красавiка 2024, Чацвер, 7:59
Падтрымайце
сайт
Сім сім,
Хартыя 97!
Рубрыкі

Дзель расейцаў, якія мяркуюць, што вайна – памылка, дасягнула амаль 40%

13
Дзель расейцаў, якія мяркуюць, што вайна – памылка, дасягнула амаль 40%

Апытанне.

Расейскія грамадзяне ўсё больш шкадуюць, што 24 лютага 2022 года войска на загад прэзідэнта Уладзіміра Пуціна ўварвалася ва Украіну, паказала апытанне, праведзенае сацыёлагамі RussianField.

На стан лютага рэкордныя 38% грамадзянаў заявілі, што скасавалі б пастанову пра пачатак «ваеннай аперацыі», калі б у іх была такая магчымасць. У параўнанні з сакавіком 2022 года колькасць такіх людзей павялічылася на 10 адсоткавых пунктаў.

Дзель тых, хто ўсё роўна скіраваў бы танкі і паліцы ва Украіну, па-ранейшаму вышэйшая – 49%. Аднак «партыя вайны» сціскаецца: у сакавіку 2022 года «не сталі б скасоўваць» пастанову Пуціна 57%, падчас мабілізацыі дзель такіх апусцілася да 51%, а цяпер упала ніжэй за палову.

Пераважная большасць апытаных мяркуе, што тэрміны «ваеннай аперацыі» задоўжыліся (71%), піша RussianField: у асноўным гэта моладзь і малазабяспечаныя грамадзяне, прычым у гэтай думцы адзіныя як гледачы федэральнай ТВ-прапаганды (76%), так і чытачы тэлеграм-каналаў (67%). У сакавіку 2022 года толькі 13% расейцаў меркавалі, што вайна прадоўжыцца больш за год. Цяпер, калі баявыя дзеянні перасягнулі трэцюю гадавіну, 44% мяркуюць, што і праз год спыніць кровапраліцце не атрымаецца.

Больш як палова апытаных RussianField (56%) заявіла, што ўважае за «паспяховыя» дзеянні войска, якое, паводле звестак амерыканскай выведкі, страціла больш за 300 тысячаў чалавек. Адначасова больш за траціна рэспандэнтаў (35,8%) не змагла сказаць, якія з заяўленых мэтаў былі дасягнутыя за два гады, а амаль чвэрць – 23,1% – адказала, што «ніякія».

З канца 2023 года, паводле звестак RussianField, большасць расейцаў выступае за пераход да мірных перамоваў: у лютым такі адказ далі 49% рэспанеднтаў, што стала рэкордам за ўвесь час апытанняў. Дзель тых, хто мяркуе, што патрэбна прадаўжаць баявыя дзеянні, з 54 адсоткаў у сакавіку 2022 года сціснулася да 40 адсоткаў.

Пры гэтым калі б пастанову пачаць перамовы агучыў Пуцін, дык яго, паводле даследавання, падтрымалі б ужо 75%, у тым ліку палова тых, хто выступае за прадаўжэнне баявых дзеянняў, гаворыцца ў даследаванні.

Напісаць каментар 13

Таксама сачыце за акаўнтамі Charter97.org у сацыяльных сетках