У Беларусі з'явіўся новы цыгарэтны бізнэс

Але не новае прозвішча яго ўладальніка.

Міністэрства падаткаў і збораў апублікавала інфармацыю аб максімальных раздробных цэнах цыгарэт з фільтрам, якія пачнуць дзейнічаць з 1 сакавіка 2024 года.

У гэтым спісе няма нічога асаблівага, акрамя таго, што ў спісе кампаній, якія выпускаюць цыгарэты ў Беларусі, з'явілася такая, якой раней не было - ТАА «Сентоні ПРА».

Паводле інфармацыі з Адзінага дзяржаўнага рэгістра юрыдычных асоб і ІП, кампанія "Сентоні ПРА" зарэгістраваная Менскім гарвыканкамам 15 снежня 2023 года. Асноўны від дзейнасці абазначаны як вытворчасць тытунёвых вырабаў.

Прадпрыемствам заяўлены на сакавік максімальны раздробны кошт 29 марак пяці брэндаў – Vogue, Kent, Rothmans, Pall Mall і Lucky Strike.

Высветлілася, што юрыдычны адрас новай кампаніі - горад Менск, вул. Кальварыйская, дом 24, каб. 418.

Менавіта на гэтым адрасе знаходзіцца адзін з гіпермаркетаў «Карона» - сетка крам, якой валодае Павел Тапузідзіс, які валодае таксама вядомай тытунёвай кампаніяй ТАА «Тытунь-інвест».