25 красавiка 2024, Чацвер, 8:02
Падтрымайце
сайт
Сім сім,
Хартыя 97!
Рубрыкі

На рынку працы Беларусі склалася анамальная сітуацыя

23
На рынку працы Беларусі склалася анамальная сітуацыя

Расце дэфіцыт кадраў, а работнікі актыўна «выпараюцца».

У Беларусі працягвае скарачацца колькасць занятага ў эканоміцы насельніцтва. Гэта вынікае са свежых звестак Белстата. Тым часам на рынку працы нарастае яшчэ адна праблема - павялічваецца дэфіцыт работнікаў.

У эканоміцы Беларусі ў студзені было занята 4 млн 129,1 тысячы чалавек, паведамляе Белстат. Гэта чарговы антырэкорд. Студзеньскі паказчык на 11 тысяч ніжэйшы, чым месяцам раней.

Тым часам агулам у краіне на 27 лютага бракуе 135,9 тысячы работнікаў. Столькі прапаноў ад наймальнікаў размешчана ў агульнарэспубліканскім банку вакансій. Для параўнання: на 24 студзеня іх налічвалася 135,4 тысячы Гэта значыць, назіраецца рост.

У кастрычніку 2023 года аб праблеме скарачэння занятага ў эканоміцы насельніцтва казаў прэм'ер Раман Галоўчанка. «Тут працуюць розныя фактары, як аб'ектыўныя, так і суб'ектыўныя. Так, зараз у працаздольны ўзрост уступае пакаленне, якое нарадзілася ў перыяд так званай дэмаграфічнай ямы 1990-х гадоў. Ёсць і іншыя фактары», - заявіў Раман Галоўчанка, але не канкрэтызаваў, пра якія менавіта прычыны ідзе гаворка.

З яго слоў, каб развязаць праблему, чыноўнікі маюць намер прыцягваць замежных работнікаў і «максімальна задзейнічаць існыя працоўныя рэсурсы».

Нагадаем, раней эксперты адзначалі, што адна з асноўных прычын дэфіцыту работнікаў - міграцыя насельніцтва, у тым ліку паводле палітычных прычын.

Напісаць каментар 23

Таксама сачыце за акаўнтамі Charter97.org у сацыяльных сетках