22 красавiка 2024, панядзелак, 0:50
Падтрымайце
сайт
Сім сім,
Хартыя 97!
Рубрыкі

Амбасадар Літвы: NATO «нейтралізуе» Калінінград першым, калі РФ кіне выклік Альянсу

3
Амбасадар Літвы: NATO «нейтралізуе» Калінінград першым, калі РФ кіне выклік Альянсу

Пасля ўступлення Швэцыі ў NATO Балтыйскае мора стане ўнутраным морам Альянсу.

Краіны Паўночнаатлантычнага альянсу адразу «нейтралізуюць» Калінінград у выпадку, калі расейцы кінуць выклік NATO. Пра гэта ў сацсетцы Х заявіў амбасадар Літвы ў Швэцыі Лінас Лінкявічус.

Ён расказаў, што пасля ўступлення Швэцыі ў NATO Балтыйскае мора стане ўнутраным морам Альянсу.

«Калі Расея адважыцца кінуць выклік NATO, Калінінград будзе «нейтралізаваны» першым. Папярэднія лжывыя абвінавачванні Расеі ў тым, што яна акружаная NATO, цяпер становяцца рэальнасцю», – падкрэсліў Лінкявічус.

Нагадаем, яшчэ ўчора, 26 лютага, парламент Вугоршчыны ратыфікаваў заяўку Швэцыі на ўступленне ў NATO. Цяпер пастанову парламента цягам пяці дзён павінен зацвердзіць выканаўца абавязкаў прэзідэнта Вугоршчыны Ласла Кевер.

Потым заяўку, якую ўхваліла Вугоршчына, павінны накіраваць у Дзяржаўны дэпартамент ЗША.

Вугоршчына стала апошняй краінай, ратыфікацыя якой была неабходная для таго, каб Швэцыя афіцыйна ўступіла ў Паўночнаатлантычны альянс.

Напісаць каментар 3

Таксама сачыце за акаўнтамі Charter97.org у сацыяльных сетках