Сярод заходніх лідараў украінцы лепш за ўсё ставяцца да Байдэна

Апытанне.

Цяпер лепш за ўсё ўкраінцы ставяцца да прэзідэнта ЗША Джо Байдэна, у тройцы лідараў таксама - прэзідэнт Польшчы Анджэй Дуда і прэзідэнт Францыі Эмануэль Макрон.

Аб гэтым сведчаць вынікі сацапытання, праведзенага сацыялагічнай службай Цэнтра Разумкова з 19 да 25 студзеня 2024 года.

Як сведчаць вынікі апытання, большасць апытаных выказваюць пазітыўнае стаўленне да Джо Байдэна (78%), Анджэя Дуды (76%), Эмануэля Макрона (62%), Урсулы фон дэр Ляен (60%), Рышы Сунака (56%), Олафа Шольца. (55%), Джасціна Трудо (50%).

Адносная большасць апытаных выказваюць станоўчыя эмоцыі да Маі Санду (49%), Дональда Туска (47%), Джорджэ Мэлоні (39%),

Пераважае негатыўнае стаўленне да Уладзіміра Пуціна (96% адказалі, што ставяцца да яго негатыўна), Аляксандра Лукашэнкі (92%), Віктара Орбана (69%), Сі Цзіньпіна (64%).