Нямеччына дэталёва распісала план нападу Расеі на NАТО
26- 29.02.2024, 9:50
- 13,334
![Нямеччына дэталёва распісала план нападу Расеі на NАТО](https://i.c97.org/p/articles/ai-213278-aux-head-20160713_nati_russia_t.jpg)
Ён складаецца з чатырох этапаў.
Урад Нямеччыны падрыхтаваў план магчымага нападу Расеі на краіну, які будзе складацца з чатырох этапаў, піша Bild са спасылкай на 13-старонкавы дакумент, названы "Аналіз рызык для грамадзянскай абароны".
Чакаецца, што на першым этапе Расея запусціць кампанію дэзінфармацыі ў СМІ і сацсетках, каб дабіцца "расколу сярод насельніцтва, дэстабілізацыі грамадства і падрыву даверу да свабоднай дэмакратыі". Гэты працэс будзе суправаджацца кібератакамі на электрастанцыі, плаціны і іншыя важныя аб'екты. З-за сакрэтнасці аперацый асобныя дзеянні будзе цяжка адназначна прыпісаць Раскі, гаворыцца ў дакуменце.
На другім этапе Расея сканцэнтруе войскі ля межаў NАТО, а краіны альянсу ў адказ на гэта ўзмоцняць прымежны кантынгент. Колькасць кібератак і дыверсій вырасце, каб затрымаць перамяшчэнне войска NАТО. Таксама Расея паспрабуе вывесці з ладу касмічныя спадарожнікі. Не выключаны атакі на атамныя рэактары, хімічныя прадпрыемствы і гідратэхнічныя збудаванні ў Нямеччыне.
У ходзе трэцяга этапу Расея пачне наносіць кропкавыя ўдары з выкарыстаннем канвенцыйнай і не канвенцыйнай зброі. Удары прыйдуцца "па мэтах на тэрыторыі Федэратыўнай Рэспублікі Нямеччыны", адзначаецца ў дакуменце. Адначасова з гэтым будзе знішчаная вялікая колькасць касмічных спадарожнікаў.
На чацвёртым этапе канфлікту расейскія войскі прарвуцца да межаў Нямеччыны. Баявыя дзеянні будуць весціся на тэрыторыі краіны, у паветры і марской прасторы. Акрамя таго, вайна перакінецца на космас, у якім упершыню будзе адбывацца "канфлікт глабальнага маштабу".
Калі Расея атакуе Нямеччыну, гэта стане “фундаментальнай зменай сітуацыі ў галіне бяспекі для ўсёй Еўропы”, падкрэсліваецца ў дакуменце. На думку аўтараў даклада, апісаны план нападу "з'яўляецца праўдападобным сцэнаром".
Да гэтага Міністэрства абароны Нямеччыны ў адным з сакрэтных дакладаў дапусціла, што Расея можа напасці на ўсходні фланг NАТО летам 2025 года. Перад гэтым, як мяркуе Бундэсвер, Масква абвесціць чарговую хвалю мабілізацыю і набярэ ў войска яшчэ 200 тысяч чалавек. Затым Расея арганізуе “спачатку схаваную, а затым і адкрытую” атаку на Захад, пасля чаго магчымае прамое сутыкненне сіл Паўночнаатлантычнага альянсу з расейскім войскам.