У Менску адкрыюць школу з асіметрычнымі вокнамі
16- 29.02.2024, 10:26
- 4,582
![У Менску адкрыюць школу з асіметрычнымі вокнамі](https://i.c97.org/ai/585596/aux-head-1709191555-20240225_szkola_360.png)
Яна будзе размешчаная ў Новай Баравой.
У жылым раёне "Новая Баравая" пад Менскам у ліпені 2024 года будзе здадзеная школа з незвычайным дызайнам фасада галоўнага корпуса, квадратныя вокны якога маюць розны памер і размешчаныя асіметрычна, піша «Беларусь и мир».
Другая ў раёне школа - на 1 125 дзяцей і падлеткаў - адкрыецца ў Цэнтральным парку.
Праект знаходзіцца ў высокай стадыі гатоўнасці: сабраны каркас будынка і закрыты вонкавы контур, вядуцца ўнутраныя працы. Ужо набіраюцца педагогі.
Комплекс спраектаваны архітэктарамі «А-100 Дэвелапмент». Ён складаецца з трох карпусоў-простакутнікаў, злёгку павернутых адзін да аднаго. Кожны корпус мае асобны ўваход, а аб'ядноўваюць іх зашклёныя пераходы-галерэі.
![](https://i.c97.org/ai/585596/aux-1709191570-vokny240229jog-bfctx.jpeg.jpg)
Цэнтральны корпус - грамадскі, другі - для малодшых класаў, трэці - для старэйшых. Цікава, што кабінеты адміністрацыі абсталююць празрыстымі дзвярыма, каб ліквідаваць бар'ер паміж вучнямі і настаўнікамі.
У школе будуць дзве спартзалы з трыбунамі, бібліятэка, актавая зала, сталошка, гульнявая і арт-рэкрэацыйная зоны, амфітэатр для будучых музыкаў, медыяцэнтр для юных блогераў, месца для выстаў. Паміж паверхамі пусцяць ліфты.
![](https://i.c97.org/ai/585596/aux-1709191570-vokny2_240229-qxu6l.jpg.jpg)
У “Новай Баравой” ужо ёсць школа, 5 дзіцячых садоў і спортцэнтр. І ўсюды - свая канцэпцыя. Так, дзіцячы садок "Жоўтая жырафа" прысвечаны жывёлам, "Космас" - космасу, "Дынасад" - дыназаўрам. А ў холах і двары "Школы будучыні" знаходзяцца навуковыя экспанаты.
![](https://i.c97.org/ai/585596/aux-1709191570-vokny3_240229-8lw2c.jpg.jpg)
В «Новой Боровой» уже есть школа, 5 детских садов и спортцентр. И везде — своя концепция. Так, детский сад «Желтый жираф» посвящен животным, «Космос» — космосу, «Диносад» — динозаврам. А в холлах и дворе «Школы будущего» находятся научные экспонаты.