22 красавiка 2024, панядзелак, 15:08
Падтрымайце
сайт
Сім сім,
Хартыя 97!
Рубрыкі

У Беларусі забаранілі прадукцыю адразу трох расейскіх заводаў

10
У Беларусі забаранілі прадукцыю адразу трох расейскіх заводаў

Праз перавышэнне таксічных элементаў.

Міністэрства аховы здароўя паведаміла, што пастановамі Галоўнага дзяржаўнага санітарнага лекара «забаронены ўвоз на тэрыторыю Беларусі, рэалізацыя, захоўванне, транспартаванне і выкарыстанне харчовай прадукцыі вытворчасці ТАА «Барнаульская халвічная фабрыка» (Расея), ТАА «Цімоша» (Расея) і ТАА «КЦК «АРАНАП » (Расея)».

У Міністэрстве аховы здароўя паведамілі, што спецыялісты санітарна-эпідэміялагічнай службы выявілі такія факты абарачэння небяспечнай харчовай прадукцыі: у 1,2-1,8 раза перавышаны дапушчальны ўзровень колькасці таксічных элементаў, а менавіта кадмію. І фарбавальнікаў – гэта азарубін, жоўты «Сонечны закат», тартразін, бліскучы сіні FCF).

Беларускія спецыялісты палічылі небяспечнымі напой з шыпшыны і халву.

«Гэтыя рэчывы недапушчальныя пры вытворчасці ўказанай харчовай прадукцыі. Па выніках зробленых аператыўных дзеянняў абарачэнне названай прадукцыі на тэрыторыі ўнутранага рынку - забароненае», - рэзюмавалі ў міністэрстве.

Напісаць каментар 10

Таксама сачыце за акаўнтамі Charter97.org у сацыяльных сетках