21 красавiка 2024, Нядзеля, 20:04
Падтрымайце
сайт
Сім сім,
Хартыя 97!
Рубрыкі

У Маскве затрымалі галоўнага рэдактара «Новой газеты»

У Маскве затрымалі галоўнага рэдактара «Новой газеты»
Сергей Соколов

Дзе ён знаходзіцца - невядома.

У Маскве раніцай супрацоўнікі цэнтра "Э" затрымалі галоўнага рэдактара "Новой газеты" Сяргея Сакалова. Пра гэта паведамляе "Новая газета".

У якім аддзяленні знаходзіцца Сакалоў - невядома. У дачыненні да яго склалі адміністрацыйны артыкул аб “дыскрэдытацыі” расейскага войска (ч. 1 арт. 20.3.3. КоАП). Яму можа пагражаць штраф сумай да 50 тысяч рублёў.

Да матэрыялаў адміністрацыйнай справы прыкладаецца экспертыза, праведзеная ФГУП "ГРЧЦ". Справа тычыцца адной з публікацый “Новой газеты”.

Разгляд справы пройдзе ў Пяроўскім судзе, час разгляду пакуль невядомы.

Сяргей Сакалоў стаў галоўным рэдактарам "Новой газеты" ў лістападзе 2023 года. За ягоную кандыдатуру прагаласавалі 79 з 84 супрацоўнікаў рэдакцыі, пяцёра ўстрымаліся.

У верасні 2023 года Сакалова прызначылі выканаўцам абавязкаў галоўнага рэдактара "Новой". Гэта адбылося пасля таго, як Нобэлеўскі лаўрэат Дзмітрый Муратаў заявіў, што сыдзе з пасады галоўнага рэдактара выдання на час разбору ў судзе, дзе ён аспрэчыць сваё ўключэнне ў рэестр “замежных агентаў”.

Да гэтага прызначэння Сакалоў быў намеснікам галоўнага рэдактара і шэф-рэдактарам выдання.

Сяргей Сакалоў - адзін з самых дасведчаных рэдактараў у “Новой”. У 2021 годзе ён выступіў у якасці суаўтара дакументальнага фільма аб забойстве журналісткі Ганны Паліткоўскай.

Напісаць каментар

Таксама сачыце за акаўнтамі Charter97.org у сацыяльных сетках