У Менску зладзілі аблаву на адвакатаў

Пад яе патрапілі блізу 10 чалавек.

У Менску КДБ зладзіў аблаву на адвакатаў. Крыніцы «Нашай нівы» называюць прыблізна колькасць спецыялістаў, якія трапілі пад аблаву - амаль 10 чалавек. Большасць з іх пазней адпусцілі.

Што стала прычынай, пакуль невядома. Сярод версій - пераслед за данаты.

Адзначым, што пасля «выбараў» 2020-га года многія адвакаты патрапілі пад рэпрэсіі. Тых, хто вёў палітычныя справы, часта пазбаўлялі ліцэнзій і выключалі з калегій. Цяпер паводле крымінальных спраў у зняволенні знаходзіцца 6 адвакатаў.