Bloomberg: Індыя шукае замену расейскай нафце

Праз санкцыі.

Праз санкцыі Злучаных Штатаў Амерыкі і патрабавання Расейскай Федэрацыі плаціць у юанях Індыя паступова адмаўляецца ад расейскай нафты.

Пра гэта паведамляе Bloomberg.

Нягледзячы на тое, што Расея дагэтуль застаецца галоўным пастаўшчыком нафты ў Індыю, зараз у краіне фармуецца тэндэнцыя да павелічэння імпарту з іншых краін.

Дарэчы, пастаўкі з Савудаўскай Арабіі ў гэтым месяцы выраслі на 22% у параўнанні са студзенем. Так, найбуйнейшы прыватны індыйскі НПЗ Reliance Industries Ltd. закупіў самы вялікі аб'ём савудаўскай нафты з траўня 2020 года, паводле звестак Kpler.

Адзначаецца, што індыйскія нафтаперапрацоўшчыкі былі б не супраць браць больш расейскай нафты, аднак каб зноў павялічыць закупы, патрэбны дазвол ЗША.

Кошт расейскай нафты зараз таннейшы ўсяго на 2-4 даляры за барэль. Раней зніжкі на расейскую нафту перавышалі 30 даляраў, але двухзначныя зніжкі наўрад ці вернуцца праз канкурэнцыю з боку Кітая.

Імпарт расейскай нафты Індыяй значна ўзрос пасля поўнамаштабнага ўварвання, бо нафтаперапрацоўшчыкі скарысталіся больш таннымі барэлямі, якіх іншыя пакупнікі пазбягалі.

Летась на піку вытворчасці нафты вытворца ОРЕС+ складаў блізу паловы закупак краіны, але новыя санкцыі ЗША нядаўна спынілі некаторыя грузы.

Акрамя гэтага Масква патрабуе выплаты ў юанях праз узмоцнены кантроль некаторых банкаў выкарыстання дырхемаў для разлікаў за апошнія некалькі месяцаў, што таксама ўскладняе працэс для Індыі.