Да +15°С будзе ў Беларусі 1 сакавіка

Без ападкаў.

Да 15 градусаў цяпла і ў асноўным без ападкаў будзе ў Беларусі 1 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу ўначы чакаецца воблачна з прасвятленнямі, удзень пераменная воблачнасць. Будзе пераважна без ападкаў. У начныя і ранішнія гадзіны ў асобных раёнах магчымы туман. Вецер прагназуецца ўсходні, паўднёва-ўсходні ўначы 2-7 м/с, удзень 4-9 м/с, месцамі на захадзе з парывамі да 12 м/с.

Тэмпература паветра ўначы складзе ад мінус 2 да плюс 4, на паўднёвым захадзе - 5-7 градусаў вышэй за нуль. Удзень будзе ад плюс 4 на паўночным усходзе да 15 градусаў цяпла на паўднёвым захадзе.