Памёр кіраўнік управы супрацьдзеяння кіберзлачыннасці Берасцейскага УУС

Яму было 44 гады.

Праваабаронцы з Mayday team даведаліся пра смерць блізу чатырох месяцаў таму кіраўніка ўправы супрацьдзеяння кіберзлачыннасці Берасцейскага УУС палкоўніка Андрэя Глінскага. Яму было 44 гады, а на пасаду ён заступіў улетку 2022 года.

У міліцыі, паводле інфармацыі Mayday team, Глінскі працаваў роўна 20 гадоў. Адразу пасля ўніверсітэта ён пайшоў працаваць у аддзел барацьбы са злачынствамі ў сферы высокіх тэхналогій.

Сілавік спецыялізаваўся на крадзяжах з дапамогай фішынгу, а таксама чытаў лекцыі пра «кібертэрарызм» у Берасцейскім дзяржуніверсітэце.

Апошні год ягонае падраздзяленне займалася грамадзянамі, якія здзяйснялі незаконныя аперацыі з крыптавалютай. У некаторых выпадках памер канфіскацый пастановай сілавікоў складаў больш за паўмільёна даляраў ЗША.