Чарга на развітанне з Навальным расцягнулася ўжо на кіламетр

Людзі працягваюць прыбываць.

Чарга з ахвочых развітацца з расейскім апазіцыйным палітыкам Аляксеем Навальным, які памёр у калоніі за палярным кругам 16 студзеня, расцягнулася на кіламетр, паведамляе журналіст "Коммерсанта" Аляксандр Чорных.

Людзі сталі прыходзіць за дзве гадзіны да адпявання, якое павінна адбыцца ў царкве абраза Божай Маці «Спатоль мой смутак» ў Мар'іна на паўднёвым усходзе Масквы. Да моманту, калі да храма прыбыў аўтамабіль з целам Навальнага, на месцы знаходзіліся некалькі тысяч чалавек, у тым ліку палітыкі Яўген Ройзман, Барыс Надзеждзін і Кацярына Дунцова, а таксама прадстаўнікі пасольстваў Францыі і Нямеччыны.

Барысаўскія могілкі, дзе павінны адбыцца пахаванні, закрылі для старонніх наведвальнікаў: тэрыторыю ачапілі, уезд перагароджаны КамАЗам, а вакол тэрмінова мантажуюцца камеры. Каля месца пахавання бачныя прадстаўнікі спецслужбаў са спецабсталяваннем у цывільным.