Маск: Праз пяць гадоў ШІ будзе разумнейшым за ўсіх людзей разам узятых
66- 13.03.2024, 19:11
- 16,490
Бізнэсмэн згодны з меркаваннем амерыканскага футуролага Рэйманда Курцвейла.
Прадпрымальнік Ілан Маск мяркуе, што штучны інтэлект (ШІ) да 2029 года можа стаць разумнейшым за ўсіх людзей разам узятых. Пра гэта ён напісаў у сацсетцы Х (раней Twitter).
Бізнэсмэн адрэагаваў на пост у X з відэа, на якім амерыканскі футуролаг Рэйманд Курцвейл гаворыць у падкасце коміка Джо Рогана, што да 2029 года ШІ будзе адпавядаць чалавечаму ўзроўню.
«Штучны інтэлект, верагодна, будзе разумнейшы за любога асобнага чалавека ў наступным годзе. Да 2029 года ШІ, верагодна, будзе разумнейшым за ўсіх людзей разам узятых», – пракаментаваў Маск словы Курцвейла.
У лістападзе прадпрымальнік заявіў, што штучны інтэлект стаў патэнцыйнай пагрозай існаванню чалавецтва. «Упершыню мы сутыкаемся з сітуацыяй, калі ў нас ёсць нешта, што будзе нашмат разумнейшы за самага разумнага чалавека. <...> Ёсць некаторая верагоднасць, вышэйшая за нуль, што ШІ заб'е нас усіх», – адзначыў Маск.
Увесну 2023 гады бізнэсмэн зарэгістраваў арганізацыю ў сферы штучнага інтэлекту пад назовам X.AI. Тады Маск паведаміў, што збіраецца распрацаваць уласны чат-бот з ШІ пад назвай TruthGPT у якасці альтэрнатывы «прадузятаму» ChatGPT кампаніі OpenAI.
Перад гэтым прадпрымальнік падпісаў адкрыты ліст экспертаў і прадстаўнікоў сферы IT, у якім сцвярджалася, што сістэмы са штучным інтэлектам могуць уяўляць небяспеку для грамадства. Падпісанты заклікалі ШІ-лабараторыі перастаць навучаць сістэмы больш магутныя за GPT-4, пакуль не будуць створаныя агульныя пратаколы бяспекі.