Рэжым Лукашэнкі ўводзіць забарону на ўвоз асобных тавараў праз беларуска-літоўскую мяжу
25- 14.03.2024, 21:03
- 36,334
Падрабязнасці.
Урад уводзіць забарону на ўвоз асобных тавараў праз беларуска-літоўскі адрэзак дзяржмяжы. Адпаведную пастанову падпісаў прэм'ер-міністр Беларусі Раман Галоўчанка, паведамляе прэс-служба ўраду.
«Забароненыя да ўвозу для рэалізацыі і спажывання на тэрыторыі Беларусі наступныя тавары: воды, піва, віна, сусла вінаграднае, вермуты, напоі іншыя зброджаныя, спірт этылавы, воцат, шыны і покрыўкі пнеўматычныя гумовыя, адзенне і іншыя вырабы, якія былі ва ўжыванні, а таксама былыя ва ўжыванні часткі і прыналежнасці транспартных сродкаў», – гаворыцца ў паведамленні.
Ва ўрадзе растлумачылі, што гэта – захад у адказ на прынятую Літвой пастанову аб спыненні руху тавараў, транспарту і людзей праз два памежныя пункты пропуску.