«Засоўвала нагу ў сейф і хавала купюры пад пятку»
7- 19.03.2024, 14:53
- 10,586
У Гомелі дырэктар арыгінальна абкрадала ўласную краму.
Гомелька на працягу паўгода крала тавары з паліц і даход з сейфа ў краме, дырэктаркай якой была.
Сістэма ўліку таварных каштоўнасцяў, прынятая ў невялікіх крамах сеткі, створаная складана. Да таго ж частка тавару можа спісвацца і утылізавацца. Гэтым і скарысталася дырэктарка гастранома, піша мясцовае выданне «Белка».
З крамы рэгулярна знікалі мясныя прадукты, алкаголь і тытунь. Іх кіраўніца проста спісвала як пратэрміноўку.
Куды больш арыгінальным спосабам жанчына крала грошы з сейфа ва ўласным кабінеце. Каб не трапляць у аб'ектыў відэакамеры, яна адмыкала сейф, засоўвала ў яго нагу і хавала некалькі купюр у абутак пад пятку.
Нядобрае западозрыла намесніца, якая намагала на інвентарызацыі. Пасля праверкі крама не далічылася больш як 2,5 тысяч рублёў.
На папярэднім этапе дырэктарка прызнала крадзеж грошай і мясцовых тавараў. Матэрыялы справы рыхтуюцца для накіравання ў суд.