Пад Калінінградам узарваўся і затануў расейскі траўлер «Капітан Лабанаў»
45- 19.03.2024, 14:57
- 53,952
Раніцай ён падаў сігнал бедства.
Расейскі траўлер "Капітан Лабанаў" затануў у Балтыйскім моры. Папярэдне, з-за выбуху на борце.
Пра гэта паведамляюць расейскія СМІ.
Паводле папярэдняй інфармацыі, выбух адбыўся ў Балтыйскім моры ў 10-мільнай зоне, недалёка ад узбярэжжа Калінінградскай вобласці. Аб 11-й раніцы карабель падаў сігнал бедства.
На борце траўлера было 7 чалавек экіпажа, чацвёра пацярпелі. Як мінімум адзін чалавек загінуў. Прычыны выбуху невядомыя.