Сімоньян падрыхтавалі лепш, чым Лукашэнку

Але парадак дня перахапіць не ўдалося.

Навальны Пуціна "абнуліў".

І не проста абнуліў, а зрабіў гэта двойчы. Спачатку сваёй пакутніцкай смерцю (тут няма ніякага перабольшання - тры гады ў турмах, і вось - памёр ад “натуральных” прычын) Аляксей абнуліў інтэрв'ю Пуціна Карлсану. Увесь свет павінен быў убачыць Пуціна – “міралюбівага інтэлектуала”, як напісаў нейкі паслугач, а ўбачыў тое, што ёсць напраўду – злоснага, баязлівага турэмшчыка. Турэмшчыка, які не супакоіўся нават, калі яго вораг памёр, і зладзіў у самым прамым сэнсе “скокі на костках” - 9 дзён не аддаваў маці цела сына, шантажаваў яе, забараніў не толькі правесці грамадзянскую паніхіду, але нават загадаў адпяваць у царкве ў “паскораным рэжыме”.

Другі раз Аляксей абнуліў Пуціна ўчора. Увесь свет абмяркоўвае не ўчарашнія пуцінскія казкі з Гасцінага двара, а пахаванне Навальнага на ўскраіне Масквы. Жывыя эфіры, загалоўкі ўсіх сусветных СМІ... Акрамя расейскіх.

Гэтыя ліхаманкава спрабавалі "перабіць парадак дня", выпусціўшы цяжкую артылерыю - Сіманьян з перахопам гутарак чарговых "Ніка і Майка".

Але Лукашэнка “перахапляў” ананімных натаўцаў, якія абмяркоўвалі “фальсіфікацыю” атручвання Навальнага. Сіманьян падрыхтавалі лепш: выклалі не толькі аўдыёзапіс гутаркі, дзе афіцэры бундэсвера, нібы абмяркоўваюць, “як яны будуць бамбаваць Крымскі мост”, але і аб'ектыўкі на ўдзельнікаў размовы.

І што? (Увесь свет развітваецца з Навальным), пакінуўшы пераціраць “сенсацыю” крамлёўскім халуям.

Тэлеграм-канал, «Времени на раскачку нет»