Расея ўдарыла ракетай Х-35 па сваім жа Краснадарскім краі

Фотафакт.

Расея працягвае атакаваць мірныя гарады і вёскі Украіны сваімі ракетамі. Аднак не ўсе яны далятаюць да цэлі.

Так адбылося 2 сакавіка з запушчанай акупантамі супрацькарабельнай ракетай Х-35, якая меркавана ўпала на тэрыторыі Краснадарскага краю.

Пра гэта паведамляе маніторынгавы канал monitor, які адсочвае расейскія атакі.

"Адна Х-35 не даляцела да тэрыторыі Украіны і адпачывае ў палях Краснадарскага краю РФ", – напісалі адміністратары пабліка.

У канале таксама апублікавана фатаграфія з ракетай Х-35, якая ляжыць у полі.

Шэраг іншых паблікаў у Telegram публікуюць фота ракеты з іншага ракурсу.

Пры гэтым частка рэсурсаў адзначае, што застацца варожай Х-35 "надумала" паблізу станіцы Новашчарбінаўская, не ўдакладняючы крыніцы паходжання гэтай інфармацыі.

Іншыя ж акцэнтуюць увагу на тым, што да бліжэйшай мясціны, якую кантралююць Сілы абароны Украіны - больш за 180 км.