Памёр вядомы беларускі скульптар Ігар Голубеў
5- 2.03.2024, 16:42
- 11,716
![Памёр вядомы беларускі скульптар Ігар Голубеў](https://i.c97.org/ai/585929/aux-head-1709386951-20240225_golubiau_360.png)
ФОТА: SHUMILINO.BY
Вы дакладна бачылі яго працы.
Ва ўзросце 62 гадоў памёр беларускі скульптар Ігар Голубеў. Пра гэта паведамілі ягоныя сябры ў сацыяльных сетках.
Голубеў – ураджэнец Віцебска. Ён быў сябрам Беларускага саюза мастакоў.
Скульптар вядомы як стваральнік некалькіх помнікаў вядомым гістарычным асобам Беларусі: Уладзіміру Караткевічу ў Воршы, Язэпу Драздовічу ў Менску (гэта была яго першая праца ў 1993 годзе), Напалеону Ордзе ў Іванаве, Еўфрасінні Полацкай у Полацку і Менску, Васілю Цяпінскаму і Сымону Буднаму ў дворыку БДУ.
На плошчы Незалежнасці ў Менску, каля Чырвонага касцёла, таксама ўстаноўлена яго манументальная скульптурная кампазіцыя «Арханёл Міхаіл, які перамагае змея». Гэтую скульптуру майстар лічыў «самай улюбёнай і дарагой сэрцу».