УСУ выбілі акупантаў пад Купянскам

Сілы абароны Украіны адкінулі ворага ля Табаеўкі.

Падраздзяленні Узброеных сіл Украіны здолелі рушыць наперад на Купянскім кірунку Харкаўскай вобласці.

Аб гэтым паведамляе рэсурс DeepState. Пры гэтым таксама публікуецца абноўленая мапа баявых дзеянняў.

Удакладняецца, што ўдалымі дзеяннямі вызначыліся байцы Першага штурмавога батальёна 67-й асобнай механізаванай брыгады, а таксама 103-й асобнай брыгады тэрытарыяльнай абароны.

«Сілы абароны адкінулі ворага ля Табаеўкі. Праціўнік прасунуўся ў Іванаўскім і Новаміхайлаўскім кірунках. Абноўлена лінія сутыкнення ў Георгіеўцы. У баях за Табаеўку хочам адзначыць 1 АШБ 67 АМБр і 103 АБрТрА», – гаворыцца ў паведамленні.