У аэрапорце Шарамеццева расейка заявіла аб бомбе ў заплечніку

Пасажырка паводзіла сябе агрэсіўна.

Пасажырка рэйса Масква - Ерэван, які павінен быў узляцець з аэрапорта Шарамеццева, заявіла, што ў яе заплечніку знаходзіцца бомба. Пра гэта паведамляе Telegram-канал 112 са спасылкай на крыніцу.

Расейка, якая паднялася на борт самалёта, заявіла бортправаднікам, што ў яе ручной паклажы знаходзіцца бомба. Пасажырка пры гэтым паводзіла сябе агрэсіўна.

Паводле інфармацыі канала, рэйс затрымалі, на месца прыбылі экстранныя службы. Каментароў ад расейскіх сілавых структур пакуль няма.

Напярэдадні ў Шарамеццеве ўзмацнілі захады бяспекі пасля тэракту ў Падмаскоўі.