Вучыч апублікаваў загадкавы допіс пра «цяжкія навіны для Сербіі»
7- 27.03.2024, 10:05
- 6,604
Апазіцыя яго за гэта раскрытыкавала.
Прэзідэнт Сербіі Аляксандр Вучыч у сацыяльных сетках апублікаваў загадкавы допіс аб цяжкіх днях для краіны і яе жыхароў.
Адпаведнае паведамленне сербскі прэзідэнт пакінуў у Facebook, паведамляе "Еўрапейская праўда".
Ён не падаў ніякіх дэталяў што да пагроз для Сербіі, аднак паабяцаў праінфармаваць жыхароў пра гэта найбліжэйшыя дні.
“Цяжкія дні для Сербіі. У гэты момант нялёгка казаць, якія навіны мы атрымалі за апошнія 48 гадзін”, - напісаў Вучыч.
Паводле яго слоў, атрыманыя звесткі наўпрост пагражаюць "жыццёва важным нацыянальным інтарэсам як Сербіі, так і (Рэспублікі) Сербскай".
“Найбліжэйшыя дні я паведамлю народу Сербіі пра ўсе выклікі, якія стаяць перад намі. Будзе цяжка. Будзем змагацца. Сербія пераможа”, - дадаў Вучыч.
Як вядома, у Сербіі супрацоўнікі таемнай паліцыі з аўтаматамі патрулявалі вуліцы Бялграда на працягу выходных. Прэзідэнт Аляксандр Вучыч заявіў, што яны і паліцыя ў цывільным будуць сачыць за спартыўнымі аб'ектамі і гандлёвымі цэнтрамі сталіцы.
Апаненты Вучыча раскрытыкавалі гэтую меру як непатрэбную і мэтай запалохаць насельніцтва.