У Расеі пачалі працэдуру прызнання Алы Пугачовай «замежным агентам»

Што гэта значыць.

У краіне-тэрарысцы прыступілі да працэдуры прызнання “замежным агентам” вядомай расейскай спявачкі Алы Пугачовай, якая разам з мужам-шоўмэнам Максімам Галкіным і іх дзецьмі пасля поўнамаштабнага ўварвання з'ехала з РФ. Як вядома, выбраннік прымадоны ўжо даўно носіць гэты "тытул", піша obozrevatel.com.

Так, кіраўнік Федэральнага праекта бяспекі і барацьбы з карупцыяй (ФПБК) Віталь Барадзін паведаміў у сваіх сацсетках, што атрымаў адказ з Генеральнай пракуратуры РФ на яго зварот. Паводле ягоных слоў, цяпер пракуратура просіць Міністэрства юстыцыі РФ прызнаць Пугачову "замежным агентам".

“Пачалася працэдура прызнання Алы Пугачовай замежным агентам, пракуратура просіць Міністэрства юстыцыі РФ прызнаць Пугачову замежным агентам. Спадзяюся, кантрольныя органы давядуць гэтую справу да канца, усім добрага дня”, - паведаміў Барадзін.

Можна меркаваць, што Ала Барысаўна толькі ўзрадуецца такому “званню”, калі ўсё ж яго атрымае. Рэч у тым, што артыстка яшчэ ў верасні 2022 года сама звярталася ў Мінюст РФ з просьбай прызнаць яе "замежным агентам".

“Прашу залічыць мяне ў шэрагі “замежных агентаў” маёй улюбёнай краіны. Таму што я салідарная са сваім мужам – сумленным, прыстойным і шчырым чалавекам, сапраўдным і непадкупным патрыётам Расеі, які хоча радзіме росквіту, мірнага жыцця, свабоды слова і спынення гібелі нашых хлопцаў за мэты, якія робяць нашу краіну выгнанкай і абцяжарваюць жыццё нашых грамадзян”, - гаварыла тады Пугачова.

Нагадаем, што Пугачова за час поўнамаштабнай вайны ніколі наўпрост не выказвала падтрымку Украіне, аднак гэта рабіў яе муж Максім Галкін, а спявачка ў гэты час толькі запэўнівала, што салідарная з яго меркаваннямі. Пра сваіх суайчыннікаў, якія сталі Z-патрыётамі, зорка эстрады выказвалася: "Былі халопамі, сталі рабамі".