Украіна патапіла або вывела з ладу траціну караблёў Чарнаморскага флоту РФ
3- 27.03.2024, 11:39
- 2,352
Сярод іх два ракетаносцы.
Сілы абароны Украіны патапілі або вывелі з ладу траціну караблёў Чарнаморскага флоту Расеі за больш чым два гады поўнамаштабнай вайны.
Пра гэта распавёў прадстаўнік Вайсковых марскіх сіл УСУ Дзмітрый Пляцянчук у каментары Associated Press.
Ён адзначыў, што з дзясятка расейскіх вайсковых караблёў-ракетаносцаў патопленыя толькі два. У той жа час Пляцянчук паабяцаў, што УСУ працягнуць наносіць удары па караблях Чарнаморскага флоту РФ.
Спікер дадаў, што канчатковай мэтай Украіны з'яўляецца поўная адсутнасць вайсковых караблёў Расеі ў Азоўскім і Чарнаморскім рэгіёнах.