Буданаў анансаваў новыя аперацыі з высадкай дэсанта ў Крыме

Кіраўнік украінскай выведкі ўпэўнены ў вяртанні паўвыспы.

Начальнік Галоўнай управы выведкі Мінабароны Украіны Кірыл Буданаў пацвердзіў, што ўкраінскія аперацыі ў часова акупаваным Крыме ў гэтым годзе працягнуцца. Такую заяву ён зрабіў у інтэрв'ю ў дакументальным праекце “ГУВ. Бітва за мора. Усе дарогі вядуць у Крым”, апублікаваным у YouTube тэлеканалам “Мы – Украіна”.

На пытанне, ці рыхтуюцца новыя аперацыі з высадкай у Крыме, Буданаў адказаў сцвярджальна.

“Так, рыхтуюцца. І будуць. Хутка ўжо будзе цёпла, ну і працягнем. Крым вернецца назад”, - падкрэсліў кіраўнік украінскай ваеннай выведкі.

Са слоў кіраўніка ГУВ, ён імкнецца не ўмешвацца ў непасрэдную працу тых ці іншых аперацый.

"Але ў агульным планаванні, так, заўсёды [удзельнічаю]", - адзначыў Буданаў.