У Калодзішчах гарэла паліклініка
- 27.03.2024, 15:11
- 3,384
Пацярпелі два чалавекі.
А 10 раніцы сёння адбылося кароткае замыканне свяцільні ў цокальным паверсе будынка. Гэта прывяло да ўзгарання паперы на стале.
Агонь патушылі медработнікі пры дапамозе вогнетушыцеля. Да прыезду ратавальнікаў будынак самастойна пакінулі блізу 100 чалавек.
Два чалавекі пацярпелі. Яны дастаўлены ў шпіталь, паведамляе МНС.