Простая матэматычная задача падзяліла сеціва на два лагеры
25- 31.03.2024, 17:36
- 9,386
Спрэчку выклікаў прыклад з курсу пачатковай школы.
У інтэрнэце з'явіўся яшчэ адзін прыклад, які частка карыстальнікаў рашае няправільна. Вось ён – 6:2(6–2).
У ім усяго тры нескладаныя дзеянні, якія можна зрабіць у думках. Пытанне толькі ў тым, які парадак гэтых дзеянняў. Ад гэтага і залежыць адказ: 12 ці 0,75.
Спачатку ўсе робяць аднолькава – рашаюць дужкі, гэта значыць адымаюць 2 ад 6, атрымліваецца 4. А потым у многіх узнікае спакуса памножыць двойку, якая стаіць упрытык да дужак, на вынік дзеяння ў дужках. Атрымліваецца 8. І нарэшце, апошняе дзеянне выглядае як 6:8, такім чынам, у адказе 6/8 або 0,75.
Памылка ў тым, што пасля дзеяння ў дужках выконваецца множанне. У яго няма прыярытэту перад дзяленнем. Таму карэктна спачатку падзяліць 6 на 2, і атрыманую тройку памножыць на вынік аднімання ў дужках, 3 ∙ 4 = 12.