Пад Маладзечнам нарадзіўся белы вярблюд
3- 31.03.2024, 21:39
- 5,580
Відэа з ім з'явілася ў сацсетцы.
У аграсядзібе пад Маладзечнам нарадзілася белае верблюдзяня. Гэта адбылося 29 сакавіка. Відэа ягонага з'яўлення на свет і знаёмства з мамай апублікавала карыстальніца ЦікТока Настасся Чарняўская.
Паводле словаў Настассі, спачатку супрацоўнікі аграсядзібы вартавалі малога, кармілі і нават абаранялі яго ад маці. Цяпер атрымалася прывучыць яго да матчынага кармлення.
Праз дзень пасля нараджэння верблюдзяня ўжо ходзіць. Але відаць, што ягоныя ножкі яшчэ слабыя.