Лукашэнка рассмяшыў беларусаў, сказаўшы пра давер да міліцыі

Дыктатар страціў сувязь з рэальнасцю.

Аляксандр Лукашэнка 4 сакавіка, у панядзелак, павіншаваў супрацоўнікаў і ветэранаў органаў унутраных спраў са 107-й гадавінай з дня ўтварэння беларускай міліцыі, інфармуе прэс-служба дыктатара.

Дыктатар заявіў, што небяспечная і цяжкая прафесія патрабуе ад кожнага з супрацоўнікаў штодзённых рашучасці, мужнасці, адвагі, а таксама бескампраміснай жорсткасці да злачынцаў і вялізнай дабрыні да тых, каму неабходна абарона.

- Нашы грамадзяне цалкам давяраюць вам і ведаюць, што беларускі міліцыянт заўсёды з гонарам выконвае свае абавязкі і ў кожную хвіліну гатовы прыйсці на дапамогу, - заявіў Лукашэнка.