УСУ атакавалі авіябазу «Гвардзейскае» ў Крыме

Сярод акупантаў ёсць параненыя.

У Расеі заявілі аб ракетнай атацы на авіябазу акупантаў "Гвардзейскае" ў Крыме, ёсць параненыя захопнікі. Цікава, што пра атаку ў РФ прыгадалі толькі 4 сакавіка, хаця яна здарылася 1-га.

Пра гэта паведамляе Telegram-канал ASTRA і Радыё Свабода.

“Авіябаза “Гвардзейскае” атакаваная ракетамі ў Крыме. 3 вайскоўцаў паранены”, - гаворыцца ў паведамленні ASTRA.

Са звестак гэтага Telegram-канала, дзве неўстаноўленыя ракеты ўпалі на тэрыторыі авіябазы "Гвардзейскае" (в/ч 46451) а 16:00 1 сакавіка.

“Абедзве ракеты ўзарваліся. Пашкоджанні атрымала рулежная дарога аэрадрома. Параненыя 3 вайскоўцы”, - сцвярджаюць аўтары.