У прыватным сектары недалёка ад цэнтра Менска прадаюць дом у стылі барока
17- 4.03.2024, 14:30
- 6,694
![У прыватным сектары недалёка ад цэнтра Менска прадаюць дом у стылі барока](https://i.c97.org/ai/586145/aux-head-1709551830-20240304_dom_anannjeva_360.jpg)
Кошт - амаль чвэрць мільёна даляраў.
У Менску выставілі на продаж жылы дом з нетыповым фасадам і інтэр'ерам - балюстрады, глянцавыя столі, вялізныя пакоі. З размаху відаць, што праект павінен быў быць маштабным, але, відаць, нешта пайшло не так - некаторыя памяшканні так і засталіся недабудаванымі (да прыкладу, санвузел у дзіцячым пакоі), а тэрыторыя каля катэджа выглядае недагледжанай, піша zerkalo.io.
Катэдж знаходзіцца на вуліцы Аннаева, гэта прыватны сектар мікрараёна Сляпянка, адсюль недалёка да цэнтра Менска. Дом быў пабудаваны ў 2007 годзе, сцены зроблены з газасілікатных блокаў, на даху — металадахоўка.
![](https://i.c97.org/ai/586145/aux-1709551509-hkhbtmhljdgtcj2vfy3o35hi8ix6mjmx.jpg)
![](https://i.c97.org/ai/586145/aux-1709551509-erbwrgvnik6lpaya5s227dmdgwua3i5l.jpg)
![](https://i.c97.org/ai/586145/aux-1709551510-ecjdtrsmlv1c3a57w7oabh104d3vs9o1.jpg)
Агульная плошча жылля - амаль 300 «квадратаў», жылая - каля 130. Тут чатыры паверхі, у тым ліку цокальны і мансардны.
![](https://i.c97.org/ai/586145/aux-1709551510-1tmq86034uomx12we8u2tv6skf6hll80.jpg)
На першым паверсе знаходзіцца кухня (34 м2), з якой ёсць выхад на тэрасу, гасцёўня (яна займае амаль 40 "квадратаў"), жылы пакой (больш за 32 м2) і санвузел.
![](https://i.c97.org/ai/586145/aux-1709551510-7fqpkl6l0uegwtjboexwkxq6751gfc9t.jpg)
![](https://i.c97.org/ai/586145/aux-1709551510-7g3cyudfe237ccze6dwoiqurap7y5rou.jpg)
На другі паверх вядуць сходы з балюстрадай. На гэтым узроўні ёсць хол, тры жылыя пакоі і два санвузлы. У аб'яве пазначана, што другі паверх выкананы ў стылі барока з пілястрамі (вертыкальнымі выступамі сцяны, якія нагадваюць калону).
Цокальны паверх - амаль на 110 "квадратаў".
![](https://i.c97.org/ai/586145/aux-1709551510-ahwgs2me9tj99izcq3tjz34j4f5hu6mm.jpg)
Водазабеспячэнне ў доме цэнтральнае, ацяпленне - на газе, каналізацыя - мясцовая.
![](https://i.c97.org/ai/586145/aux-1709551510-qs2x9bkra4ljubazsn12oftgksm8pwt1.jpg)
Катэдж прадаюць за 726323 рублёў, або 225000 даляраў. Магчымы абмен на кватэру ці дом.