13 красавiка 2024, Субота, 17:01
Падтрымайце
сайт
Сім сім,
Хартыя 97!
Рубрыкі

У прыватным сектары недалёка ад цэнтра Менска прадаюць дом у стылі барока

17
У прыватным сектары недалёка ад цэнтра Менска прадаюць дом у стылі барока

Кошт - амаль чвэрць мільёна даляраў.

У Менску выставілі на продаж жылы дом з нетыповым фасадам і інтэр'ерам - балюстрады, глянцавыя столі, вялізныя пакоі. З размаху відаць, што праект павінен быў быць маштабным, але, відаць, нешта пайшло не так - некаторыя памяшканні так і засталіся недабудаванымі (да прыкладу, санвузел у дзіцячым пакоі), а тэрыторыя каля катэджа выглядае недагледжанай, піша zerkalo.io.

Катэдж знаходзіцца на вуліцы Аннаева, гэта прыватны сектар мікрараёна Сляпянка, адсюль недалёка да цэнтра Менска. Дом быў пабудаваны ў 2007 годзе, сцены зроблены з газасілікатных блокаў, на даху — металадахоўка.

Агульная плошча жылля - амаль 300 «квадратаў», жылая - каля 130. Тут чатыры паверхі, у тым ліку цокальны і мансардны.

На першым паверсе знаходзіцца кухня (34 м2), з якой ёсць выхад на тэрасу, гасцёўня (яна займае амаль 40 "квадратаў"), жылы пакой (больш за 32 м2) і санвузел.

На другі паверх вядуць сходы з балюстрадай. На гэтым узроўні ёсць хол, тры жылыя пакоі і два санвузлы. У аб'яве пазначана, што другі паверх выкананы ў стылі барока з пілястрамі (вертыкальнымі выступамі сцяны, якія нагадваюць калону).

Цокальны паверх - амаль на 110 "квадратаў".

Водазабеспячэнне ў доме цэнтральнае, ацяпленне - на газе, каналізацыя - мясцовая.

Катэдж прадаюць за 726323 рублёў, або 225000 даляраў. Магчымы абмен на кватэру ці дом.

Напісаць каментар 17

Таксама сачыце за акаўнтамі Charter97.org у сацыяльных сетках