У Польшчы ўпаў «невядомы лятучы аб'ект»

У пракуратуры расказалі, што гэта было.

У панядзелак, 4 сакавіка, у полі паблізу Мілакува (Астроцкі павет, Вармінска-Мазурскае ваяводства Польшчы) упаў невядомы аб'ект. У пракуратуры Эльблонгу сказалі, што, магчыма, гэта метэаралагічны шар, паведамляе Fakt.

Як піша выданне, маёр 16-й Паморскай механізаванай дывізіі Магдалена Касцінская сказала, што гэтая цывільная справа, а не вайсковая, і ёй займаецца паліцыя і пракуратура.

У пракуратуры Эльблонгу ж адзначылі, што паводле папярэдніх звестак, гэта метэаралагічны шар. Там дадалі, што на месцы працавалі супрацоўнікі Службы ўнутранай бяспекі і праваахоўнікі.