Вярхоўны суд ЗША дазволіў Дональду Трампу ўдзельнічаць у выбарах

Пастанова суда штата Каларада скасаваная.

Вярхоўны суд Злучаных Штатаў Амерыкі пастанавіў, што былога прэзідэнта Дональда Трампа нельга выключаць з выбарчых бюлетэняў на будучых выбарах. Пра гэта паведамляе РБК-Украіна са спасылкай на NBC News.

Вярхоўны суд скасаваў пастанову суда штата Каларада, паводле якой Трамп не меў права зноў балатавацца праз спробу сарваць выбары ў 2020 годзе, на якіх перамог Джо Байдэн.

Суд пастанавіў, што вярхоўны суд Каларада памылкова выказаў меркаванне, што штаты могуць вызначаць, ці можа кандыдат прымаць удзел у выбарах у адпаведнасці з раздзелам 14-й папраўкі Канстытуцыі.

У пастанове ўказана, што Кангрэс, а не штаты, павінен устанаўліваць правілы выкарыстання раздзелу 14-й папраўкі.

Варта заўважыць, гэтая пастанова гарантуе, што Трамп застанецца не толькі ў выбарчым бюлетэні ў Каларада, але і ў Мэне і Ілінойсе, дзе мясцовыя суды прымалі такія пастановы наконт былога прэзідэнта.

Нагадаем, летась суд штата Каларада пастанавіў забараніць Трампу ўдзельнічаць у прэзідэнцкіх выбарах у ЗША, бо ён спрабаваў паўплываць на вынікі выбараў у 2020 годзе.

Сам пазоў быў пададзены шасцю жыхарамі Каларада ў верасні, і быў часткова задаволены судом першай інстанцыі, пасля чаго абскарджаны ўжо ў вярхоўным судзе штата.

Вярхоўны суд ЗША пачаў разгляд справы ў пачатку лютага гэтага года.